Part 6 of 80 - Surat-ul-Faatiha(Tafseer)

Bismillahhirrahmanirrahim

✦ Part 6 of 80 - Surat-ul-Faatiha

✦ Al-Quran (Tafseer Ibn-e-Kaseer)
-----------------------------

★Musnad Ahmad Me Hazrat Abdullah Bin Jabir (RaziAllahu Anhu) Se Riwayat Hai Ke,
Mai Ek Martaba Rasul’Allah (Sallallahu Alaihay Wasallam) Ke Pas Aaya, Aap Us Waqt Istanje Se Farig Huye Hi They Maine Teen Martaba Salam Kiya Lekin Aapne Ek Dafa Bhi Jawab Nahi Diya, Aap Ghar Me Tashrif Le Gaye Aur Mai Gam Aur Ranj Ki Halat Me Masjid Me Chala Gaya Thodi Der Baad Taharat Karke Aaye Aur Teen Martaba Hi Mere Salam Ka Jawab Diya, Phir Farmaya “Aye Jabir Bin Abdullah Suno! Tamam Quran Me Behtrin Surat “Alhamdullillah Rabbil Alameen Akhir Tak Hai”
● (1) Isi Asnad Bahut Hi Umda Hai, Ibn Akeel Jo Iska Rawi Hai, Iski Hadis Bahut Bade-Bade Ayyimma Riwayat Karte Hain Aur Abdullah Bin Jabir Se Murad “Abdi Sahabi” Hai..

– Ibn Aljozi Ka Bi Yahi Qaul Hai, Wallahu Alam, Hafiz Ibn Asakar Ka Kaul Hai Ke Ye Abdullah Bin Jabir Ansari Bayazi Hai. Ye Hadis Aur Is Jaisi Aur Ahadis Se Istadlal Karke Ishaq Bin Rahu, Ya Abubaqr Bin Arbi Ibn Alhafar Aksar Allama Ne Kaha Hai Ke Baaz Aaytein Aur Baaz Suratein Baaz Par Fazilat Rakhti Hain Yahi Ek Dusri Jamat Ka Bhi Khayal Hai Ke Qalaam Allah Kal Ka Kal Fazilat Me Ek Sa Hai, Ek Ko Ek Par Fazilat Dene Se Ye Kabahat Hoti Hai Ke Dusri Ayatein Aur Suratein Isse Kam Darje Ki Nazar Ayeingi Halanke Qalam Alllah Sara Ka Sara Fazilat Wala Hai Kartabi Ne Ashari Aur Abubakr Baqlani Aur Abu Hatim Bin Hasban Aur Yahyah Se Yahi Nakal Kiya Hai,.. Imam Malik Se Bhi Yahi Riwayat Hai, Ye Mazhab Mankaul Hai (Lekin Sahi Aur Mutabik Hadis Pehla Qaul Hai Wallaho Alam, Mutarjam)

★Surah Fateha Ke Fazail Ki Mandarje Bala Hadison Ke Alawa Aur Hadisein Bhi Hain, Sahih Bukhari Sharif Fazail Al Quran Me Hazrat Abu Sayeed Khudri (RaziAllahu Anhu) Se Riwayat Hai Ke:
Hum Ek Martaba Safar Me Ek Jagah Utre Huye They, Nagahan Ek Laundi Aayi Aur Kaha Ke Yahan Ke Kabile Ke Sardar Ko Sanp Ne Kaat Khaya Hai, Humare Admi Yahan Maujud Nahi Hai Aap Me Se Koi Aisa Hai Ke Jhad Phunk Kar De?Hum Me Se Ek Shakhs Uth Kar Uske Sath Ho Liya, Hum Nahi Jante They Ke Ye Kuch Jhad Phunk Bhi Janta Hai, Usne Wahan Ja Kar Kuch Padh Kar Dam Kar Diya Allah Ke Fazal Se Wo Bilkul Achha Ho Gaya Tees Bakriyan Usne Di Aur Humari Mehmani Ke Liye Dudh Bi Bahut Sara Bheja Jab Wo Wapis Aaye Tou Humne Puchha Kya Tumhe Jhad Phunk Ka Ilm Tha?Usne Kaha Maine To Sirf Surah Fateha Padh Kar Dam Kiya Hai Humne Kaha Hai Is Aaye Huye Maal Ko Abhi Mat Chhedo Pehle Rasul’Allah (Sallallahu Alaihay Wasallam) Se Masail Puchh Lo!Madine Me Aake Humne Rasul’Allah (Sallallahu Alaihay Wasallam) Se Zikr Kiya,..Aap (Sallallahu Alaihay Wasallam) Ne Farmaya: “Usey Kaise Malum Hua Ke Ye Padh Kar Dam Karne Ki Surat Hai ?”Farmaya: “Is Maal Ke Hisse Ko Lo! Mera Bhi Ek Lagana,..”Sahih Muslim Sharif Aur Abu Daud Me Ye Hadis Hai,● (2) Muslim Ki Baaz Riwayaton Me Hai Ke Dam Karne Wale Hazrat Abu Sayeed Khudri (RaziAllahu Anhu) Hi They,..
-----------------------------------------------------------
● (1) Musnad Ahmad-Hasan Bashwahid
● (2) Sahih Bukhari

◆◆◆To be continued....... In sha Allah

https://quran-hadith-only.blogspot.com/2018/03/quran-tafseer-quiz-6.html

Part 5 of 80 - Surat-ul-Faatiha(Tafseer)

Bismillahhirrahmanirrahim

✦ Part 5 of 80 - Surat-ul-Faatiha

✦ Al-Quran (Tafseer Ibn-e-Kaseer)
-----------------------------

★– Is Hadis Ke Aur Bi Bahut Se Andaz Bayan Hain, Maslan Musnad Ahmad Me Hai ● (1) Ke Huzur (Sallallahu Alaihay Wasallam) Ne Jab Unhe Pukara Tou Ye Namaz Me They, Ittefat Kiya Magar Jawab Na Diya, Aap (Sallallahu Alaihay Wasallam) Ne Phir Pukara Hazrat Abi Ne Namaz Mukhtasar Kar Di Aur Farig Hokar Jaldi Se Hazir Khidmat Huye, “Assalam Walekum” Arz Kiya
Huzur (Sallallahu Alaihay Wasallam)Ne Jawab Dekar Farmaya: “Abi Tumne Mujhe Jawab Kyun Na Diya?”
Kaha: “Huzur Mai Namaz Me Tha ,..”
Aapne Wahi Ayat Padh Kar Farmaya: “Kya Tumne Ye Ayat Nahi Suni ?”
Kaha: “Huzur Galati Huyi Ab Aisa Na Karunga,..”

Aap Ne Farmaya: “Kya Tum Chahte Ho Ke Mai Tumhe Ek Aisi Surat Bataon Ke Taurat, Injil Aur Zabur Aur Quran Me Is Jaisi Surat Na Ho,.. ? ”
Maine Kaha: “Huzur! Irshad Farmaye”

★Aap Ne Farmaya: “Yahan Se Jaane Se Pehle Hi Mai Tumko Bata Dunga, Phir Huzur Mera Haath Thame Huye Aur Baatein Karte Rahe Aur Maine Apni Chal Dhimi Kar Di Ke Aisa Na Ho Ke Wo Baat Reh Jaye Aur Aap Bahar Chale Jaaye, Akhir Jab Darwaze Ke Kareeb Pahunch Gaye Tou Maine Apko Wo Wada Yaad Dilaya,..
Aap (Sallallahu Alaihay Wasallam)Ne Farmaya: “Namaz Me Kya Padhte Ho?”
Maine Ummul Quran Padh Kar Sunai, Aap (Sallallahu Alaihay Wasallam) Ne Farmaya: Us Khuda Ki Kasam Jis Ke Haath Me Meri Jaan Hai, Taurat, Injil, Zabur Aur Quran Me Is Jaisi Koi Aur Surat Nahi,.. Ye Saba Masani Hai,”
Tirmazi Me Mazid Ye Bhi Hai Ke Yahi Wo Bada Quran Hai Jo Mujhe Ata Farmaya Gaya Hai..● (2)
– Ye Hadis Husn Sahi Hai Hazrat Anas (Razi Allah Taala Anhu) Se Bi Is Baab Me Ek Hadis Marwi Hai ● (3) Musnad Ahmad Ki Ek Matul Hadis Me Bhi Isi Tarah Marwi Hai, Nisai Ki Riwayat Me Ye Alfaz Bhi Hai Ke Ye Surat Allah Ta’ala Aur Bande Ke Darmiyan Takseem Kar Di Gayi Hai, Tarmizi Ise Husn Garib Kehte Hai,.● (4)
-----------------------------------------------------------
●(1) Musnad Ahmad-Sahih
●(2) Jam e Tirmizi-Sahih
●(3) Al-Silsila-As-Sahiha
●(4) Jam e Tirmizi-Sahih

◆◆◆To be continued....... In sha Allah

https://quran-hadith-only.blogspot.com/2018/02/quran-tafseer-quiz-5.html

Part 4 of 80 - Surat-ul-Faatiha(Tafseer)

Bismillahhirrahmanirrahim

✦ Part 4 of 80 - Surat-ul-Faatiha

✦ Al-Quran (Tafseer Ibn-e-Kaseer)

-----------------------------

★Aur Tisra Qaul Ye Hai Ke Sabse Pehle “ Iqrah Bisme Rabbekal Razi Khalaqa” Nazil Huyi Aur Yahi Sahih Hai Iski Tafseel Aage Ayegi Inn Shaa Allah,..

Surah Fateha Ki Fazilat:

Musnad Ahmad Me Hazrat Abu Sayeed Bin Ma’ala (RaziAllahu Anhu)Se Marwi Hai Ke, Mai Namaz Padh Raha Tha Aur Rasul’Allah(Sallallahu Alaihay Wasallam) Ne Mujhe Bulaya, Maine Koi Jawab Na Diya, Jab Namaz Se Farig Hokar Mai Huzur (Sallallahu Alaihay Wasallam) Ki Khidmat Me Hazir Hua Tou Aap Ne Farmaya: “Ab Tak Kis Kaam Me They ?”
Maine Kaha Huzur (Sallallahu Alaihay Wasallam) ! Mai Namaz Me Tha,Aap (Sallallahu Alaihay Wasallam)Ne Farmaya: “Kya Allah Ta’ala Ka Ye Farman Tumne Nahi Suna?”
“Ya Ayyohal Lazina Amanus Tajibulillahe Walirasule Iza Da’akum Lema Yuhyikum”
(Aye Iman Walon ! Allah Ke Rasul Jab Tumhe Pukarein, Tum Jawab Do), Achha Suno Mai Tumhe Masjid Se Nikalne Se Pehle Batladunga Ke Quran Paak Me Sabse Badi Surat Kaun Si Hai?
Phir Mera Haath Pakde Huye Jab Aap (Sallallahu Alaihay Wasallam) Ne Masjid Se Jane Ka Irada Kiya Tou Maine Apka Wada Yaad Dilaya,..
Aap Ne Farmaya:“Surat Alhamdullillahi Rabbil Almeen Hai Yahi Saba Misani Hai Aur Yahi Wo Quran Azeem Hai Jo Mujhko Diya Gaya Hai,..”Isi Tarah Ye Riwayat Sahih Bukhari Sharif, Abu Daud Nisai Aur Ibn Majja Me Bhi Dusri Sanadon Ke Sath Hai,..● (1)

★Waqdi Ne Ye Waqya Hazrat Abi Bin Ka’ab Ka Bayan Kiya Hai, Muwatta Imam Malik Me Hai Ke Rasul’Allah (Sallallahu Alaihay Wasallam) Ne Hazrat Abi Bin Ka’ab Ko Awaz Di, Wo Namaz Me Mashgul They, Farig Hokar Aap (Sallallahu Alaihay Wasallam) se miley, farmatey hai ki Aapne Apna Haath Mere Haath Par Rakh Diya, Uss Waqt Masjid Se Bahar Nikal Hi Rahe They Ke Farmaya: “Mai Chahta Hun Ke Masjid Se Nikalne Se Pehle Tujhe Aisi Surat Bataon Ke Taurat, Injil Aur Quran Me Iski Misal Nahi”Ab Maine is umeed par Apni Chal naram Kar Di Aur Puchha “Huzur (Sallallahu Alaihi Wasallam Wo Surat Kaun Si Hai? ”Aap Ne Farmaya: “Namaz Ke Shuru Me Tum Kaun Si Surah Padhte Ho?”Mai Ne Kaha “Alhamdullillah Rabbil Almeen Puri Surat Tak,”Aap (Sallallahu Alaihi Wassalam) Ne Farmaya: “Yahi Wo Surat Hai, Saba Masani Aur Quran Azeem Jo mujhe Diya Gaya Hai ● (2) .Is Hadis Ke Akhiri Rawi Abu Sayeed Hain,

Is Bina Par Ibn Kaseer Aur Unke Sath Wale yaha Dokha Kha Gaye Hain Aur Wo Unhe Abu Sayeed Bin Maula Samajh baithe Hai, Darhaqiqat Ye Abu Sayeed dusrey hai , Ye Maula Khajai Hai Aur Tabayeen Me Se Hain Aur Wo Abu Sayeed Ansari Sahabi Hain Unki Hadis Muttasil Aur Sahi Hai Aur Ye Hadis Bazahir Manqata Malum Hoti Hai Agar Abu Sayeed Tabayi Ka Hazrat Abi Se Sunna Sabit Na Hua Aur Agar Sunna Sabit Ho Tou Ye Hadis Shart Musallim Par Hai, Wallahu Alam,..
-----------------------------------------------------------
● (1)  Musnad Ahmad(Sahih),Sahih Bukhari
● (2)  Muwatta Imaam Malik(Sahih)

◆◆◆To be continued....... In sha Allah

https://quran-hadith-only.blogspot.com/2018/02/quran-tafseer-quiz-4.html

Part 3 of 80 - Surat-ul-Faatiha(Tafseer)

Bismillahhirrahmanirrahim

✦ Part 3 of 80 - Surat-ul-Faatiha

✦ Al-Quran (Tafseer Ibn-e-Kaseer)

-----------------------------

★Umm Kehte Hain Shayeron Me Bhi Iska Subut Paya Jata Hai Makka Sharif Ko Ummul Qari Kehne Ki Bhi Yahi Wajah Hai Ke Ye Sabse Pehle Aur Sab Ka Jama Hai, Zameen Wahin Se Failai Gai Hai • (1) Kyunki Isse Namaz Ki Qir’at Shuru Hoti Hai. Quran Sharif Ko Likhte Waqt Bhi Sahaba (RaziAllahu Anhu) Ne Usi Ko Pehle Likha Is Liye Fateh Bhi Kehte Hain.
– Is Ka Ek Sahi Naam Saba Masani Bhi Hai Isliye Ke Ye Baar-Baar Namaz Me Padhi Jati Hai. Har Rak’at Me Usey Padha Jata Hai Aur Masani Ke Maney Aur Bhi Hai Jo Inn Shaa Allah Apni Jagah Bayan Honge Wallahu Alam.

– Musnad Ahmad Me Hazrat Abu Huraira (RaziAllahu Anhu) Se Riwayat Hai Ke Rasul’Allah (Sallallahu Alaihay Wasallam) Ne Ye Ummul Quran Ke Bare Me Farmaya: “Yahi Saba Masani Hai Aur Yahi Quran Azeem Hai,..”• (2) Ek Aur Hadis Me: “Yahi Ummul Quran Hai Yahi Fatehaul Kitab Hai Aur Yahi Saba Masani Hai”• (3) Tafseer Marduwiya Me Hai Ke: Huzur (Sallallahu Alaihay Wasallam) Ne Farmaya – “Alhamdullillah Rabbil Almeen” Ki Saat Ayetein Hain.
“Bismillah Irrehaman Nirahim” Bhi Inme se Ek Ayat Hai,Isi Ka Naam Saba Misani Hai, Yahi Quran Azeem Hai, Yahi Ummul Kitab Hai, • (4) Yahi Tatehatul Kitab Hai,..

★ Darqatni Me Bhi Isi Mafhoom Ki Ek Hadis Hai Aur Baqaul Imam Darqatni Uss Ke Sab Rawi Sakiya Hain,
-Baihaqi Me Hai Ki Hazrat Ali (RaziAllahu Anhu), Hazrat Ibn Abbas (RaziAllahu Anhu), Hazrat Abu Huraira (RaziAllahu Anhu) Ne Saba Misani Ki Tafseer Me Yahi Kaha Hai Ki Ye Surah Fateha Hai Aur Bismillah Iski Satwin Ayat Hai ,..

-Bismillah Ki Behas Me Ye Bayan Pura Ayega Inn Shaa Allah Ta’ala !
Hazrat Ibn Masud Se Kaha Gaya Ke Aapne Surah Fateha Ko Apne Likhe Huye Quran Sharif Me Shuru Me Kyun Nahi Likha?
Tou Kaha “Agar Mai Aisa Karta Tou Har Surat Ke Pehle Isko Likhta,.”
Abu Bakar Bin Abu Daud Farmate Hain, Is Qaul Ka Matalab Ye Hai Ke Namaz Me Padhe Jaane Ki Haisiyat Se Aur Kyunki Tamam Musalmano Ko Hifz Hai Isliye Likhne Ki Chanda Zarurat Nahi,
– Dalail Nabuwat Me Imam Baihqi Ne Ek Hadis Naql Ki Hai Jis Me Hai Ke Ye Surat Sabse Pehle Nazil Huyi,
– Baqlani Ne Naql Kiya Hai Ke Surah Fateha Sabse Pehle Nazil Huyi Aur Dusra Qaul Ye Hai Ke
“Ya’ayyohal Muddaseru”• (5) Sabse Pehle Nazil Huyi Jaisa Ki Sahih Hadis Hazrat Jabir Se Marwi Hai.
-----------------------------------------------------------
• (1) Tafseer At-Tabrani
• (2) Musnad Ahmad-Sahih
• (3) Tafseer Ibn-e-Jareer
• (4) Dar-Qutni-Zaef
• (5) Al~Quran,Surat-ul-Mudassir

◆◆◆To be continued....... In sha Allah

https://quran-hadith-only.blogspot.com/2018/02/quran-tafseer-quiz-3.html

Part 2 of 80 - Surat-ul-Faatiha(Tafseer)

Bismillahhirrahmanirrahim

✦ Part 2 of 80 - Surat-ul-Faatiha

✦ Al-Quran (Tafseer Ibn-e-Kaseer)
-----------------------------

★Ibn Abbas Ise Isasul Quran Kehte They Yani Quran Ki Jad Ya Buniyad Aur Is Surat Ki Buniyat Ayat “Bismillah Irrehman Nirahim” Hai,

-Sufiyan Bin Ayiniya Farmate Hain: Is Ka Naam Waqya Hai,
-Yahhiya-Bin-Kaseer Kehte Hain Is Ka Naam Kafiya Bhi Hai Isliye Ke Ye Apne Alawa Sab Ki Kifayat Karti Hai Aur Dusri Surat Is Surat Kifayat Nahi Karti,
-Baaz Marsal Hadison Me Bhi Ye Mazmun Aaya Hai Ke Ummul Quran Badal Hai Iske Gair Ka Magar Iska Gair Iska Badal Nahi,• (1) Ise Suratul Salat Aur Suratul Kinz Bhi Kaha Gaya Hai,

-Zamehshari Ki Tafseel Kishaf Dekhiye, Ibn Abbas, Qitada, Abulaliya Farmate Hai Ke: “Ye Surat Makki Hai,.”
-Hazrat Abu Huraira Mujahid, Ata Bin Yasar Aur Zehri Farmate Hai: “Ye Surat Madni Hai Aur Ye Bi Ek Qaul Hai Ke Ye Surat Do Martaba Nazil Huyi Ek Martaba Makka Aur Ek Martaba Madine Me Lekin Pehla Qaul Hi Zyada Thik Hai Isliye Ki Dusri Ayat Me Hai. “Walakad Atainaka Sab’am Minal Masani”• (2) Yani Humne Tumhe Saba Misani Saat Ayatein Dohrai Jaane Wali Di Hai,
– Wallah-O-Alam, Abulast Samar Kandi Ka Ek Qaul Qartabi Ne Ye Bhi Naql Kiya Hai Ke Is Surat Ka Nisf Tou Makka Sharif Me Nazil Hua Aur Aakhiri Nisf Hissa Madina Sharif Me Nazil Hua Lekin Ye Qaul Bilkul Gareeb Hai,
– In Ayaton Ki Nisbat Ittefaq Hai Ke Saat Hai Lekin Umru Bin Abid Ne 8 Aur Husain Jafi Ne 6 Bhi Kaha Hai Aur Ye Dono Qaul Shaaz Hain,..

★ Bismillah Irrehman Nirahim Aur Mukhtalif Aqwal Aur Surah Fateha:
“Bismillah Irrehman Nirahim”(Al-Quran 1:1)
Ye Surat Ki Mustakil Ayat Hai Ya Nahi Isme Ikhtelaf Hai, Tamam Kufi Qari Aur Sahaba (Razi’Allahu Anhu) Aur Tabey Aur Taba’in (R.A.) Ki Ek Jamat Aur Pichhle Bahut Se Buzurg Tou Usey Surah Fateha Ke Awwal Ki Ek Puri Aur Mustakil Ayat Kehte Hain, Baaz Isey Iska Jaso Mante Hain Aur Baaz Sire Se Is Ayat Ko Is Ke Shuru Me Mante Hi Nahi, Jaise Ke Madine Sharif Ke Qariyon Aur Faqihon Ke Ye Teeno Qaul Hain, Iski Tafseel Inn Shaa Allah Aage Ayegi,..

– Is Surah Ke Kalimat 25 Hain Aur Haruf 113 Hain, Imam Bukhari Kitab Al-Tafseer Ke Shuru Me Sahih Bukhari Me Likhte Hain “Ummul Kitab Is Surah Ka Naam Isliye Hai Ki Quran Sharif Ki Kitabat Usi Se Shuru Hoti Hai • (3)Aur Namaz Ki Qirat Bhi Usi Se Shuru Hoti Hai”

– Ek Qaul Ye Bhi Hai Kyunki Tamam Quran Sharif Ke Mazameen Ajmali Taur Se Usi Me Hain, Isliye Is Ka Naam Ummul Kitab Hai, Arab Ki Adat Hai Ke Har Ek Jama Kaam Aur Kaam Ki Jad Ko Jiski Shakhein Aur Ajzah Usi Ke Tabey Hon Umm Kehte Hain,. Dekhiye Ummul Raas-Us-Jild Ko Kehte Hain Jo Dimag Ki Jama Hai Aur Lashkari Jhande Aur Nishan Ko Bhi Jis Ke Niche Log Jama Hote Hain,
-----------------------------------------------------------
• (1) Dar-Qutni
• (2) Al~Quran,Surat-ul-Hujurat
• (3) Sahih Bukhari

◆◆◆To be continued....... In sha Allah

https://quran-hadith-only.blogspot.com/2018/01/quran-tafseer-quiz-2.html

Part 1 of 80 - Surat-ul-Faatiha(Tafseer)

Bismillahhirrahmanirrahim

✦ Part 1 of 80 - Surat-ul-Faatiha

✦ Al-Quran (Tafseer Ibn-e-Kaseer)
-----------------------------

★ Is Surah Ka Naam Surah Fateha Hai, Fateha Kehte Hain Shuru Karne Wali Ko, Kyunki Quran Kareem Me Sab Se Pehle Yahi Surat Likhi Gayi Hai, Isliye Ise Surah Fateha Kehte Hain Aur Isliye Bhi Ki Namazon Me Qir’at Bhi Isi Se Shuru Hoti Hai,
– Iska Naam Ummul Kitab Bhi Hai, Jamhur Yahi Kehte Hain, Hasan Aur Ibn Sareen Iske Kayal Nahi, Wo Kehte Hai Ke Lohe Mehfuz Ka Naam Ummul Kitab Hai, Hasan Ka Khayal Hai Ki Muhaqqam Ayaton Ko Ummul Kitab Kehte Hain, Tirmizi Ki Ek Sahih Hadis Me Hai Ke Rasul’Allah (Sallallahu Alaihay Wasallam) Ne Farmaya:
“Alhamdullillah Rabil Alameen” Puri Surat Tak Yahi Surat Ummul Quran Hai Aur Ummul Kitab Hai Aur Sab’a Misani Hai Aur Quran Azeem Hai.• (1)Is Surat Ka Naam Suratul Hamd Aur Suratul Salat bhi Hai,..

★ Aahazrat (Sallallahu Alaihay Wasallam) Farmate Hain Ke: Allah Ta’ala Ne Farmaya Hai:
“Maine Salat (Yani Surah Fateha) Ko Apne Aur Apne Bande Ke Darmiyan Nisf Nisf Taqseem Kar Diya, Jab Banda Kehta Hai “Alhamdullillah Rabil Almeen” Tou Allah Ta’ala Fermata Hai: “Mere Bande Ne Meri Tarif Ki,”
Puri Hadis Tak, • (2) Is Hadis Se Malum Hua Ke Surah Fateha Ka Naam Salat Bhi Hai Isliye Ki Is Surat Ka Namaz Me Padhna Shart Hai,
– Is Surah Ka Naam Suratul Shafa bhi Hai,
Darmi Me Hazrat Abu Sayeed Se Marfua Riwayat Hai Ke Surah Fateha Har Zeher Ki Shifa Hai Aur Is Ka Naam Suratul Ruqqayya Bhi Hai.• (3)

Hazrat Abu Sayeed (RaziAllahu Anhu) Ne Jab Sanp Ke Kate Huye Shakhs Par Is Surat Ko Padh Kar Dam Kiya, Wo Achha Ho Gaya Tab Huzur (Sallallahu Alaihay Wasallam)Ne Un Se Farmaya:
“Tumhe Kaise Malum Ho Gaya Ke Ye Ruqqayya Hai, Yaani Padh Kar Phunkne Ki Surat Hai ?• (4)
-----------------------------------------------------------
• (1) Sahih Bukhari
• (2) Sahih Muslim
• (3) Sahih Bashwahid
• (4) Sahih Bukhari, Sahih Muslim

◆◆◆To be continued....... In sha Allah

https://quran-hadith-only.blogspot.com/2018/01/part-1-of-80-tafseerfatiha-quiz.html